भारतात अजूनही बऱ्याच लोकांना पसिमन म्हणजे काय हे माहित नाही. हे आकर्षक केशरी रंगाचे फळ दिसायला जसे सुंदर, तसेच आरोग्यासाठीही अत्यंत फायदेशीर आहे. या फळाला भारतात तेंडू किंवा जपानी फळ (Japani Phal) म्हणून ओळखले जाते. चीन, जपान आणि कोरिया या देशांमध्ये हे फळ मोठ्या प्रमाणावर खाल्ले जाते, आणि आता हिमालयीन भारतातदेखील याची शेती केली जाते.सध्या या फळाची विक्री कोल्हापूर, मुंबई, पुणे,नागपूर इत्यादी शहरांत अनेक ठिकाणी होत आहे.
पसिमन म्हणजे काय? (What is Persimmon Fruit?)
पसिमन हे Diospyros kaki या वनस्पतीचे फळ आहे. याचे साल गुळगुळीत, केशरी ते तांबूस रंगाचे असते आणि वर हिरवट पाने असतात. पूर्ण पिकलेले पसिमन अतिशय मऊ, गोड आणि मधासारखे स्वादिष्ट लागते. पण अर्धवट पिकलेले फळ तोंड कोरडे करणारे आणि तुरट चवीचे असते, कारण त्यात टॅनिन्स (Tannins) नावाचे घटक जास्त प्रमाणात असतात.
आरोग्यदायी फायदे (Health Benefits of Persimmon)
1 रक्तवाढीस मदत करते (Improves Blood Formation)
पसिमनमध्ये लोह (Iron) आणि फोलेट (Folate) भरपूर प्रमाणात असते, ज्यामुळे रक्तातील हिमोग्लोबिन वाढण्यास मदत होते. रक्तअल्पता (Anemia) असणाऱ्या लोकांसाठी हे फळ अत्यंत उपयुक्त आहे.
2 रोगप्रतिकारशक्ती वाढवते (Boosts Immunity)
पसिमनमध्ये व्हिटॅमिन C मोठ्या प्रमाणात असते, जे शरीरातील व्हायरल व बॅक्टेरियल संक्रमणांपासून बचाव करते.
3 डोळ्यांचे आरोग्य राखते (Good for Eye Health)
या फळात व्हिटॅमिन A आणि बीटा कॅरोटीन असते. हे डोळ्यांची दृष्टी सुधारते आणि रातांधळेपणा (Night Blindness) टाळते.
4 हृदय निरोगी ठेवते (Keeps Heart Healthy)
यात पोटॅशियम व अँटिऑक्सिडंट्स मुबलक प्रमाणात असल्यामुळे रक्तदाब नियंत्रणात राहतो आणि हृदयविकाराचा धोका कमी होतो.
5 पचन सुधारते (Aids Digestion)
फायबरयुक्त असल्यामुळे हे फळ पचन सुधारते, बद्धकोष्ठता कमी करते आणि पोट हलके ठेवते.
6 त्वचा तजेलदार ठेवते (Improves Skin Health)
पसिमनमध्ये असलेले अँटिऑक्सिडंट्स त्वचेतील सुरकुत्या कमी करतात आणि त्वचा उजळ व टवटवीत ठेवतात.
स्वयंपाकात व पाककृतींमध्ये उपयोग (Culinary Uses of Persimmon)
1 थेट खाण्यासाठी (Eat Fresh):
पूर्णपणे पिकलेले पसिमन सोलून थेट खाल्ले जाऊ शकते. हे फळ गोड आणि मऊ असते.
2 जॅम, शेक आणि स्मूदी (Jam, Shake & Smoothie):
पसिमनपासून स्वादिष्ट जॅम, ज्यूस, मिल्कशेक किंवा स्मूदी बनवता येतात.
3 सॅलडमध्ये (In Salads):
छोटे तुकडे करून फळांच्या सॅलडमध्ये टाकल्यास स्वाद व रंग दोन्ही वाढतात.
4 डेझर्ट्समध्ये (In Desserts):
केक, पाय, आइसक्रीम यांसोबत याचा उपयोग केला जातो.