कोल्हापूर जिल्ह्यातील राधानगरी तालुक्यात दाजीपूर अभयारण्यात असलेला एक दुर्मिळ किल्ला म्हणजे शिवगड होय. या किल्ल्याचे अस्तित्व भग्न अवस्थेत आहे. तरीसुद्धा या किल्ल्यावर आजही जुने तटबंदी , बांधकाम केलेल्या इमारतीच्या भिंती पाहायला मिळतात. या शिवगडाविषयी थोडक्यात माहिती आपण घेऊ.
शिवगड कोठे आहे? Where is Shivgad ?
शिवगड हा महाराष्ट्रातील एक अपरिचित असा दुर्मिळ किल्ला आहे. तो कोल्हापूर जिल्ह्यात असून कोल्हापूरपासून 85 किलोमीटर अंतरावर आहे. कोल्हापूर ते दाजीपूर सुमारे 80 किलोमीटर अंतर आहे. दाजीपूर या गावापासून शिवगड अवघ्या पाच किलोमीटर अंतरापर्यंत आहे. शिवगडला जाण्यासाठी दाजीपूरहून शिवगडाजवळील डोंगरापर्यंत स्थानिक लोकांच्या कमांडर गाड्या जातात. तिथून पुढे आपल्याला चालत जावे लागते.
साधारणतः दाजीपूर पासून चालत जायचे ठरवले तर पाच किलोमीटर अंतर चालत जावे लागते. संपूर्ण प्रवास हा डोंगर परिसरात असल्याने प्रवास करताना माहितीचा एखादा माणूस असणे आवश्यक आहे. तेथील स्थानिक अनेक लोक शिवगडाचा रस्ता सांगण्यासाठी आणि माहिती सांगण्यासाठी येतात.
शिवगडाचा इतिहास:History of Shivgad
शिवगडावर काय इतिहास घडला, याबाबत फारशी माहिती कुठेही मिळत नाही; पण या गडाला शिवगड नाव आहे हे मात्र सर्वज्ञात आहे. या ठिकाणी कोण येऊन गेले? कोणती लढाई झाली का? संरक्षणासाठी या किल्ल्याचा वापर केला जात होता का? याबाबत कोणतीही माहिती इतिहासात मिळत नाही.
