मांजर, कुत्रा, उंदीर असे काही प्राणी आहेत, ते जगात सर्वत्र आढळतात. प्रत्येक प्रदेश आणि देशनिहाय त्यांच्या शारीरिक ठेवणीत बद‌ल झालेला असतो. कुत्रा हा प्राणी सुद्धा वेगवेगळ्या देशात वेगवेगळ्या प्रकारचा आढळतो. दक्षिण अमेरिकेतील Amazon rainforest मध्ये जो कुत्रा आढळतो, त्याला short eared dog किंवा small eared Zorro असे म्हणतात.या कुत्र्याचे कान सिंहाच्या कामासारखे दिसतात; पण खूपच लहान असतात. हा प्राणी ॲमेझॉनच्या उष्ण कटिबंधीय प्रदेशातील मांसाहारी प्राणी आहे. हा लहान कानाचा कुत्रा ॲमेझानच्या जंगलात ब्राझील, पेरु, एक्वेडोर, बोलिव्हिया या देशांत आढळतो. मासे, लहान प्राणी, यांची शिकार करण्यात हा कुत्रा पटाईत आहे. हा प्राणी खूप मोठा नसला तरी भरभक्कम शरीर असल्यामुळे भक्ष्याची पाठलाग करण्यापेक्षा लपून अचानक हल्ला करण्यात हा लहान कानाचा कुत्रा पटाईत आहे. हा कुत्रा खेकड्याची सुद्धा शिकार करतो. या लहान कानाच्या कुत्र्याचे आणखी एक वैशिष्ट्य म्हणजे या कुत्र्याची मादी नरापेक्षा मोठी असते. हे कुत्रे तीन वर्षांचे झाल्यानंतर प्रजननास पात्र होते. झुपकेदार शेपटी हे त्यांचे आणखी एक वैशिष्ट्य आहे.
